AJIRA UPDATES > WHATSAPP
Serikali Yatangaza Ajira 17,710 kwa Mwaka wa Fedha 2025/26
Serikali imetangaza rasmi uwepo wa nafasi 17,710 za kazi katika sekta mbalimbali kwa mwaka wa fedha wa 2025/26 na kuwahimiza Watanzania wenye sifa kujiandaa kuchukua nafasi hizi.
Kati ya nafasi hizo, sekta ya elimu ina nafasi 12,176, sekta ya afya chini ya mamlaka za serikali za mitaa ina nafasi 10,280, kilimo kimepangiwa nafasi 470, mifugo 312, uvuvi 47, na huduma za usalama, ikiwemo Jeshi la Polisi, Magereza, Zimamoto na Uokoaji, na Uhamiaji, ina nafasi 7,000.
Taarifa hii ilitolewa leo, Oktoba 11, 2025, jijini Dodoma na Katibu Mkuu wa Ofisi ya Rais, Menejimenti ya Utumishi wa Umma na Utawala Bora, Juma Mkomi, wakati akielezea mpango wa ajira wa serikali kwa mwaka wa fedha wa 2025/26.
Aidha, aliongeza kuwa, ili kupunguza gharama za usaili, Sekretarieti ya Uajiri imeagizwa kuendesha usaili katika kila mkoa Tanzania Bara na katika vituo vilivyopangwa Zanzibar.
Mpangilio huu, alisema, utarahisisha wagombea wa maeneo husika kuomba na kuhudhuria usaili kwa urahisi zaidi.
