Jinsi ya Kufanya Makadirio TRA Online
Fahamu hatua muhimu za kufuata ili kufanya makadirio ya kodi kupitia mfumo wa TRA Online. Hii ni mwongozo kamili kwa wafanyabiashara na wamiliki wa biashara nchini Tanzania.
Makadirio ya Kodi ni Nini?
Makadirio ya kodi ni taarifa inayotolewa na mlipakodi inayoonesha kiasi anachokadiria kupata kama mapato ya mwaka mzima wa biashara. Makadirio haya hutumika katika kukokotoa kiasi cha kodi inayotakiwa kulipwa kwa Mamlaka ya Mapato Tanzania (TRA).
Hatua za Kufanya Makadirio ya Kodi Kupitia Mfumo wa TRA Online
1. Tembelea Tovuti ya TRA
Nenda kwenye tovuti rasmi ya TRA: www.tra.go.tz. Chagua sehemu ya Online Services kisha bofya “TRA Online TMS” au “Taxpayer Portal”.
2. Ingia kwenye Akaunti yako ya TIN
Ingiza Username (Namba yako ya TIN) na Password ulizoweka wakati wa usajili. Kama huna akaunti, tafadhali jisajili kwa kubofya “Register”.
3. Fungua Sehemu ya ‘Return Processing’
Baada ya kuingia kwenye dashboard, chagua “Return Processing” kisha “Income Tax Return (ITR)” na hatimaye “Estimated Return (ITR – EST)”.
4. Chagua Mwaka wa Kifedha
Chagua mwaka wa kifedha (mfano: 2025) kisha endelea na kujaza taarifa za makadirio yako.
5. Jaza Taarifa za Mapato Yanayotarajiwa
Ingiza taarifa za mapato yako ya mwaka mzima, ikiwa ni pamoja na aina ya biashara, kiasi cha mauzo au mapato, gharama za uendeshaji, na faida inayotarajiwa.
6. Angalia Makadirio ya Kodi
Mfumo utahesabu kiasi cha kodi utakachopaswa kulipa. Kiasi cha kodi kinategemea mapato yako, na kinagawanywa katika robo nne (quarterly payments).
7. Wasilisha Makadirio Yako
Baada ya kujaza taarifa zote, bofya “Submit” ili kuwasilisha makadirio rasmi kwa TRA. Utapokea fomu ya makadirio (ITR-EST Form) kwa kumbukumbu zako.
8. Pakua Control Number na Lipa Kodi
Baada ya kuwasilisha, mfumo utakutengenezea control number kwa ajili ya malipo. Unaweza kulipa kodi kupitia benki, M-Pesa, Airtel Money, au kupitia online banking.
Mambo ya Kuzingatia Kabla na Baada ya Kufanya Makadirio
- Tumia takwimu halisi: Hakikisha unatumia takwimu halisi au za karibu na uhalisia wa biashara yako ili kuepuka makosa ya kukadiria.
- Hifadhi nakala ya makadirio yako: Hifadhi nakala ya fomu ya makadirio na risiti za malipo kwa kumbukumbu zako.
- Kagua taarifa zako mara kwa mara: Kagua akaunti yako ya TIN ili kuona kama kuna marekebisho au notisi yoyote.
- Lipa kwa wakati: Hakikisha unalipa kodi yako kwa wakati ili kuepuka riba au adhabu za kuchelewa.
Hatua za Kufanya Makadirio ya Kodi TRA Online pdf
Hatua za Kufanya Makadirio ya Kodi TRA Online picha
